Amectawi neɣ s yisem-is aḥeqqani ’’fettis tahar’’ d yiwen seg yinaẓur yettwasnen s waṭas di temnaṭ n sumam.Yebda ccna deg useggas n 1972. Aḍebsi-s amezwaru yessufeɣ-it-id deg useggas n 1978 ɣer tezrigin ’’azwaw” di lpari di tmurt n fransa.d netta i yecnan d amezwaru tizlit-nni:“ruḥ ad truheḍ,;lbenna yid-k(m) tekfa’’.deg useggas n 1978, tin s wayes I d-tufrar yasmina, asmi is-tɛawed deg yiseggasen- nni 90.
Ger icennayen is-yefkan afus n talelt, mi t-nesteqsa yenna-yaɣ-d:”d Ṭaleb rabaḥ,;d Sidi mesɛud,d ayt meslayen akk d Ḥmed ḥemmu, mi ara xedmen akka kra n tmeɣra di leqhawi n leqbayel di lpari neɣ di kra tẓeqqa,tedduɣ yid-sen,ttakken iyi tagnit iwakken ad d-cnuɣ”.
Mbaɛed 31 n yiseggasen, amectawi yuɣal-d syiwen n uḍebsi amaynut deg-s 06 tezlatin deg yisental yemxalafen’’lmeḥna, asirem,tamurt’’
Ma d izwal-sent:” ay akken tuɣal,rruḥ-iw,tabuqalt n lezzayer’jsk’,arway ad terwi,walaɣ tafat,sawaleɣ,;’’.
Di tezlit anda is-yenna: ay akken i tuɣal tura
Ttwaliɣ-tt tɣaḍ-iyi
Anida ara tar tara
Amek ara ad tefk isegmi
Amek ad d-efk lɣella
Ma yella ur tezri wara
Ula d itij igenni
Di tsedart-agi,ad naf anaẓur icuba tamurt ɣer yimɣi n tili,ɣas zegzaw maca lɣella ur tettili ara,xas akken yal lxir tesɛa-t,maca arraw-is ur ɣelten kra.
Yeccur wul-iw d iɣublan
Ass-a axir uzekka
Ttɣenniɣ medden zhan
Nekk afwad-iw yerɣa
Lmehna txerb-iyi ussan
Sanda rriɣ tufeg lehna
Ad sebraɣ ɣas ma s wurfan
Akka ig ura di twenza
Macci s kra n zhu s wayes icennu, yextar-it kan d allal iwakken ad d-yemmeslay ɣef yir liḥala n tudert-is, xas akken immeslayen nni d uzawan-nsen suzunen imdanen isen-sellen.
Ayen ayen aqessam
I leḥqi—w anda yella
Texlqeḍ-iyi-d tisewham
Si temzi-w d nekk di lmeḥna
Uy saɣ tafat aɛyiɣ diṭlam
Ttxilek efk-iyi lehna
Di tezlit-a yura deg useggas 1980 ad naf amedyaz,yettnuj ɣer ugellid ameqqran, yesteqsay ɣef umur-is n talwit, yettɛenni ɣur-s ad yesixfef fell-as taɛkumt n lehmum n ddunit.
Ɣas akken acennay yeqqim s nnig n 32 yiseggasen iwakken ad d-yuɣal ɣer ccna s yiwet n tesfift tamaynut,maca di tilawt weǧin yeḥbis ɣef lfen.neɣ i yeqqim ur yewwit ara agiṭar,aya dayen ara ad d-nefhem deg wawal-is : ‘’ɣas akken mačči aṭas n tesfifin i sɛiɣ di ssuq,maca ur d ḥbiseɣ ara ɣef lfen.ur d-sufuɣeɣ ara, acku iswi-iw mačči d ciɛa neɣ d adrim ḥemleɣ ccna seg wasmi lliɣ d ameẓyan,ttaruɣ tizlatin xedmaɣ aẓawan,ttqesireɣ-ten akka d leḥbab mi ara aɣ-tetunefk tegnit, dacu kan ttɛeṭṭileɣ lxedma n tezlit, tikwal aseggas iwakken ad tekfu. ‘’
Brahim Benhamouche