Ilmend usmekti n wis-15 n tmenɣiwet n Saɛid meqbel,tidukla tadelsant ‘’amezday Adelsan n inelmaden ‘’n uzedduɣ n yinelmaden n targa uzemmur di bgayet,terra tajmilt i umeɣnas yefkan tudert ɣef tugdut d tlelli n umeslay, s uledduy n yiwet n temkerḍit deg uzadduɣ n targa uzemmur iwumi fkan isem ‘’ saɛid meqbel’’.Ass-nni,n ttlata wwin inelmaden yiwet n tmuqilt n yijeǧǧigen sersent ɣef uzekka-s streḥmen fell-as di tmeqbaret n sidi ahmed ameqran n bgayet. Ilmend n tejmilt yettuhegga-d yiwen n wahil d amerkanti seg 05almi 08 di duǧember, yella-d usenɛet n kra idiwenniyen yexedem Meqbel i waṭas n yimusnawen, imi yakan netta yella d aneɣmas deg waṭas n yiɣmisen am lmencar d le matin..atg.am akken daɣen i d-llant kra n tceqqufin n umezgun i d-urarent trebuɛay n yilemẓiyen i d-yusan di tɣiwant n semɛun.syin akkin yella-d yiwen usarag i d-yefka buǧemɛa karec,yewwi-d awal ɣef tudert n Meqbel d unaḍeḥ-is ɣef tugdut d yidles,deg usarag-agi, yezzi wawal s telqey ɣer umecwar-is n tira di tɣamsa d tsekla akked yedles s umata.
B.B