Ma yella lɣella n uzemmur di lmecta asggas-a d lxir kan,maca abelluḍ,;yefka-d sidi di lxir –is, yurew akken ilaq. llan tsufa (ṭjur) i d-yegren almi d 06 n yiqenṭaren. Dayen yesferḥen ifellaḥen n taddart,imi d yiwet n lɣella i ttafen, yifellaḥen di lawan-agi n ccetwa ttelḥaqen-tt i wulli d ttɣeṭten timarawin yeqqimen deg udaynin ur zmirent ara ad ddunt d yimeksawen n ujemmaɛ. Di taddrt-agi abelluḍ d yiwet n lɣella i d-yettasen melba adrim yerna bnin, iḥemmel-it lmal. Dayen yattaǧan akk imeksawen ḥemmlen ad qesden imukan deg ugten tsufa n ubelluḍ arẓagan deg lawan–agi n tegrest,iwakken ad ksen dinna lmal nsen. » Di lawan-agi n n ubelluḍ,; lmal ireggu-d berra,ur yesnagar ara deg uxxam mi ara ad yawḍen tameddit, axaṭer abelluḍ yettqenniɛ » i aɣ d-yenna naser yiwen n umksa n taddart. Ur teqqim ara kan lɣella n ubelluḍ d laɛlef yettwalḥaqen i lmal,maca ttafen-tt daɣen imezdaɣ yenxessen,abelluḍ -ni aẓidan ttawint ɣer leswaq n weqbu znuzuyentt, iwakken ad d-ɛinen s-yes tiwaculin-nsen.
B. Benhamiche