Ddurt yezrin,deg-ass n lḥed n 13 dujember 2009, tidukla imzenzuyen n temnaḍt n Buzgan,sawlen-d i weḥbas n lxedma s teγzi n yiwen wass, anda imzenzuyen sumata rrand i teγri 100% medlen tiwwura n lemḥelat-nsen, ayen yejjan taγiwant n Buzgan ad-tuγal d tamdint yemmuten. Tamentilt n waḥbas n lxedma, d anemhal n tebzart (impôt) n temnaḍt-agi id-yesufγen leγrama d lexṭiyat meqqren nezzah γef imzenzuyen, rnu taεdiyat i ixeddem fell-asen. Ass n13 dujember, γef 7 d wezgen n ssbeḥ,; imzenzuyen γelqen tanemhalt n tebzart n Buzgan, syen yellad unejmuε (sit-in)s-zdat n tnemhalt n tebzart, anda imzenzuyen begnen-d lγiḍ-nsen, wten-d sleqsaḥ γef taεdiyat unemhal-agi, duklen γef yiwen wawal, uran tabrat i Lwali n Tizi-Wezzu d wid tennul temsalt, nda sutren s rḥil n unemhal n tebzart n temnaḍt n Buzgan.
Maca imzenzuyen sḥasfen aṭas γef uselway n tγiwant n Buzgan, imi wlac-it γer yidis-nsen, rnu γef waya d-netta id imḍebbar amenzu n tγiwant ig-laqen ad-yennadi γef sebba n weγlaq n lemḥelat almi tamdint tuγal d-tin yemmuten. Γas akken, imzenzuyen n temnaḍt n Buzgan tteklen γef yiman-nsen, ṣawḍen qelεen anemhal n tebzart n buzgan, maca nnan dakken anuγal ad-nesteqsi γef yiwet yiwet, ma yella neddukel win iγ-yahwan at-neγḍel.
Islam Bessaci