Samir Ait Belkacem d amezwaru deg yimezwura i d-yerran yakan isura γer teqbaylit. Aṭas n leqdic i yexdem deg uḥric-a n usisleg (doublage) : nezmer ad d-nebder, Pučči 1,2, Limuččuču 1,2,3, Σli d Wali, Narnya, Kiki 1…atg.
Tikelt-a, yettekki deg tfaska n usaru amaziγ s usaru ‘’ Kiki, le Viking 2 ; Aḥeddad n Lqalus’’ i yewwin amḍiq amezwaru ‘’Tazemmurt n uwraγ’’ deg ṣṣenf-agi n usisleg.
Nemlal-it deg Tizi, yerra-aγ-d γef yisteqsiyen-a.
Aγmis n Yimaziγen : seg ucrured γer tikli a Samir…
Samir Ait Belkacem : tajmilt ad tuγal i Muhia. D netta i d-yeqqaren ilaq ad nerr timezgunin γer teqbaylit, ur nettrağu ara kan alamma yettwaxleq-d umezgun s teqbaylit. Di&gamma,; ula d asuγel-agi n yisura, dayen-nni i ilaqen.
Amek i d-tufiḍ iman deg leqdic-agi ?
Samir Ait Belkacem : usiγ-d kan akka γer yisura-agi. D taswiεt, akken qqaren. Nexdem deg taddart nneγ ‘’Pučči’’, syin yeffeγ-aγ afus. Yeffeγ waεbar, uγalen medden akk hedren fell-as. Syin nkemmel ‘’Pučči 2’’. Dγa, nexleq-d astidyu n usisleg. Ğğiγ amahil-nni inu n zik, ḍefreγ wagi.
Asisleg nwen (doublage) n tura, yuẓ γer sdat ma neqren-it akked umezwaru, yella-d usileγ (la formation) deg uḥric-a ?
Samir Ait Belkacem : d tidet, yella-d usileγ s lemεawna n tiddukla (Lsas, fondation) Tiregwa n tmurt n Canada. D nettat i aγ-yefkan afud seg uḥric-a. Lukan am nekni ur nezmir ara ad nessiweḍ ad nxelles ugar n tlatin alef n yidularen, azal n wussan-agi n usileγ.
Yella win i aken-iεawnen dagi deg tmurt ?
Samir Ait Belkacem : ulac akk win i aγ-d-yefkan afus dagi deg tmurt nneγ. Ula d tilibizyu tis 4, zeεma n tmaziγt, tγunza-aγ. Ur neẓri acimi, ad tafeḍ ugaden-aγ !!!
Leqdic-agi nwen, d asnimek (interprétation) neγ d asisleg ?
Samir Ait Belkacem : d asexleḍ gar le doublage et l’interprétation. Wali tura, am Viking 2, γef wacu ilaq ad d-nehder, γef le marteau du temple yellan deg usaru, neγ ad t-nbeddel, ad t-nerr d Aḥeddad n Lqalus ? Ihi, nwala axir Aḥeddad n Lqalus, d taqsiṭ nneγ. D tamacuhut yettmeslayen fell ane&gamma,; kif kif-itt. Ttasent-d txawsiwin weḥd-sent…
Mebla ccek, teẓram d akken isaura-agi nwen seqqdacen-ten yiselmaden n tmaziγt deg uγerbaz, uγalen d ttawil n uselmed. D acu ara d-tinim ?
Samir Ait Belkacem : d iseγ ameqqran, acu kan seg tama-nniḍen d taεkumt. Nesseqdac tamemslayt ara fehmen akk medden, ama d igerdan ama d imeqqranen. Asaru nneγ ad t-twali twacult n leqbayel deg uxxam.
D acu i d asirem-ik, neγ asenfar-ik ?
Samir Ait Belkacem : asirem-iw ad d-rreγ ‘’L’Opium et le bâton’’ n Mouloud Mammeri γer teqbaylit akken i t-yebγa Dda Lmulud ‘’redre à César, ce qui appartient à César’’. Acku asmi yessers le scénario-nni yebγa ad yuγal s teqbaylit. Asmi i d-yeffeγ s taεrabt (mačči d asenqes deg taεrabt), yenna-as Mammeri : ‘’ je ne reconnais plus mon travail…’’ axater ttwakksen yiḥricen, amedya, Amirouche…
Yesteqsa-t Hocine.M