Ur yelli kra n ujdid i d-yewwi useggas aγurbiz 2013/2014. Xas akken yeḍra-d uktazal n 10 n yiseggasen iεeddan, meεna taneγlaft n leqraya mazal ur d-tefki iwellihen uγur ṣsawḍen wid-nni yestekkelfen s lecγal-agi. Ur d-yelli kra n useqqεed la deg wahil wala deg tarrayin n uselmed. ‘’Anda tuffeg i ters. Nennejmaε i wakken ad nehder γef wamek ara yili uqrab n unelmad : anwa aglim i as-iwulmen ? Amek ara ilinit tfetusin-is ?Amek ara yejjamaε leḥwal s daxel-is ? Amek ara t-yettεelliq ?…atg. ’’ akka i d-yenna yiwen unemhal i yessḥasfen aṭas imi ur d-yelli ara ujdid aseggas-agi, netta d yiwen i yekkan deg tseqamut n uktazal n uγerbaz i d-yellan ilindi.
Ula d iselmaden aṭas deg-sen iwumi teqqluqqel nneyya imi γef wakken i aγ-d-yenna yiwen deg-sen, tagnit ur tessefraḥ ara. ‘’Akken kan nemlal, ass amezwaru akked unemhal, yebda tagallit deg-neγ : ‘balak xdem akka ! γurek ur txeddmeḍ ara akka ! Ḥader ad ak-id-afen ixus waya neγ waya ! Skud ara aγ-ssirmen tuγalin yelhan, nutni bdanaγ s leḥris.’’
Tuγalin deg Tizi Uzzu.
49 n yiγerbazen imenza i iγelqen deg lwilaya n Tizi Uzzu gar 651 i yellan, akken i d-nnan yimḍebbren n usegmi n Tizi Uzzu. Aya yeḍra-d imi ulac wid ara yeγren deg-sen. Amur ameqqran yella-d deg Uzeffun, Buzeggan, At Yanni d temnaḍin-nniḍen i ibeεden γef temdinin.
Ma dayen yeεnan tuγalin γer uγerbaz, llan azal n 210 340 n yinelmaden ara yawin abrid n lakul, gar-asen 29 690 d imaynuten deg uγerbaz amenzu. Ma dayen i d-icudden γer uselmed, kecmen-d 269 n yiselmaden ijdiden gar-asen 41 i tmaziγt.
M. Hocine