Ruḥeɣ s tazzla
Ad as-d-ɣreɣ asefru
Ay ɣileɣ tettraju-yi
Yak ḥammleɣ-tt, tḥemmel-iyi
Nnan-d : ulac-itt da
Attan tedda ar tala
A yemma ḥnini
Tettkellix fell-i
Ayen neqlaleḥ assen fi snebbwi lemleḥ
Ay ɣeleɣ tettraju-yi
Yak ḥemmleɣ-tt, tḥemmel-iyi
Nnan-iyi-d : a Ṣṣalaḥ
Tečča mebla ma imeleḥ
A yemma ḥnini,
Tettkellix fell-i
Kker ay ixef-inu
Ad as-tawiḍ abilu
Ay ɣileɣ tettraju-yi
Yak ḥemmleɣ-tt, tḥemmel-iyi
Tenna-yi : aha lḥu !
Nettat tuɣ-d amuṭu
Ayemma ḥnini
Tettkellix fell-i
Ruḥeɣ di lawan
A(d) nemyagar deg wemkan
Ay ɣileɣ tettraju-yi
Yak ḥemmleɣ-tt, tḥemmel-iyi
Izwar-iyi kra akken ufuḥan
La s-teqqar : d keččini kan
A yemma ḥnini
Tettkellix fell-i
Nruḥ nettwarwi
Ad as-nebren tiyersi
Ay ɣileɣ tettraju-yi
Yak ḥemmleɣ-tt, tḥemmel-iyi
Nnan-iyi-d : a mmi,
Temmut anaɣ iḍelli
A yemma ḥnini,
Tettkellix fell-i
Atta temɣweṛṛit
A(d) nenṭel Tasaadit
Ay ɣileɣ tettraju-yi
Yak ḥemmleɣ-tt, tḥermmel-iyi
Qebl-it, neɣ eǧǧ-it
Tuɣal-d ar ddunit
A yemma ḥnini
Tettkellix fell-i
Muḥya