« Si Lezzayer γer Tunes ay ul-iw ayes » Awal-a, yenna-t-id ucennay Ḥamiduc,ad fell-as yeεfu yerḥem. Ayγer ara yayes wul-is ammer yal taγawsa tella deg umkan-is ? Ass-a, di lweqt ideg ttmeslayen γef tugdut n d acu-t wezrzf yettuqaddren? D azref i ragant ? D azref i tnettit ? D win n tmeṭṭut ? Neγ,; win n weqcic ?? Ula d yiwen seg -sen !!!
S yiwen wawal, amdan yettwaεfes akken yebγu yili.Si Saḥra umalu γer Tunes neγ akk-in, γer libya, izerfan n wemdan ttwarekḍen.Di lawan anida iselwayen n tefriqt ugafa ruḥen γer Copenhague ad εerḍen ad sellken Lqaεa seg tmerγiwt, di tmura-nsen ara ttnezlulufen seg tukksa n leqder, si tmuḥqranit.
Aminatu Hider tettwasufeγ-d seg tmurt-is Laεyun, tettwakkes-as tnettit-is ;texdem tagant n 30 n wussan deg unafag n tegzirin tiknariyin.Almi d-« yeẓẓel afus-is uselway n Fransa » i as- rran yemḍebbren n tmurt n Lmerruk tinerrit-is. Tuγal γer Laεyun,maca mazal fell-as lεessa.
Farhar Mhenni, le maquisad de la chanson,ur yezmoe ad d-yekcem γer Lezzayer axaṭer imessulta « ara ttnasin fell-as ».Acu yexdem ? Acu d-yenna ? Yebγa kan ad tqeεed tmurt-is, ad telḥu di tezdeg d liser, ad tif timura-nniḍen.
Tikkelt-a, yeεreḍ ad d-yekcem γer Tunes, ad yemlil din yemma tameγbunt t-yeccedhan uqbel ad medlent wallen-is ; ugin-as ad yekcem. Imessulta Itunsiyen ugaden l’uncudent diplomatique d Lezzayer, weltma-as.
Γef way-a, ulacwin d-yeffiγ wawal di Lezzayer, ama seg yizelmaḍen, ama seg yeffusen.Ula imeγnasen-nni n M.C.B. ukud yettwaṭṭef γer lḥebs deg useggas n 80. Yetteqraḥ wul, ad as-tiniḍ mmezren di teγruḍt n yilef yettwajerḥen.
Tufuq Ben Brik, aneγmas ameqqran n tmurt n Tunes,ula d netta hat-a-n deg usekraf axaṭer yettaru-d tidet yeγban di tmurt-is, tidet tessefrek twacult Ben Ali γef ugdud atunsi.
Ayγer, ur aγ-ilaq ara ad nidir s yizerfan-nneγ ?
A. Arab