Imezdaɣ n taddart n La Crête-Rouge i d-yezgan di tɣiwant n Leɛǧiba ur qḍiɛen ara asirem iwakken ad sfaydan s usiweḍ n lgaz n temdint ɣer yixxamen nsen. Ulamma, ḍemɛen aya uqbel taggara n useggas ideg nella, maca am akken neqqar:” Laẓ yesweɛduyen ur ineqq. » Yuzzel wawal ɣef usenfar-a d wayen yellan deffir n uneḥbus-is s kra kan n lmitrat ɣef taddart-a, imḍebber amenzu n Tubiret, Ali Bouguerra I nemlal deg wussan iɛeddan, yuɣal-d s ttfaṣil ɣef usenfar-a, yenna d akken ad weɣdaɣ taddart-a belli lgaz n temdint ad yaweḍ ɣer yixxamen n yakk imezdaɣ-is deg useggas n 2010. D yiwen n yisalli i yesferḥen mačči d kra imezdaɣ n La Crête-Rouge, iwumi yettwakkes uɣilif daɣ d timeẓriwt n tidet ɣef wayen yerzan taluft-a.
Ɣer tmerna n usafar-a, nezmer ad d-nini d akken taddart-a tezmer ad tessirem ɣer yiwet n tudert zeddigen, imi ddeqs n yisafaren i tt-id-iṣaḥen.
M. Smail