Sebt-nni yezrin, tidukla n yimaziɣen ABAAME iqedcen di tama n usammer n tmurt n fransa.thegga-d ilmend n usfugel n umenzu n yennayer imaziɣen useggas 2960. yiwen n leqdic d amerkanti. Tasebḥit yella-d udifili n yiwet n terbaḥt n yiḍebbalen tmurt n leqbayel akked kra n tlemẓyin s lkeswat n tlawin n temnaḍin n tmazɣa yemxalafen’ icelḥiyen, leqbayel, icawiyen, imaziɣen n waṭlas n lmaruk..atg’’yeddan di tlemmast n temdint almi d amraḥ n ssuq n forbach..’’ Iswi nneɣ deg udifili-agi, d abeggen n leɛyawed d wansayen-nneɣ,;neɣ idles amaziɣ s umata i yimezḍaɣ yettidiren di temdint n forbach, am akken daɣen ara nseɛlem tarwa nneɣ ilulen di tmurt fransa s yidles n lejdud nsen, i wakken ad seḥbibren fell-as’’. i aɣ-d-yenna Mass Ahmed benhamouche di imḍebbar di tdukla ABAAME. syin akkin,ikemmel leqdic s yiwet n temzikent deg ttusnaɛ-tent waṭas n tɣawsiwin ; idlisen tmaziɣt, lebsa, akked d tsawer n tudrin n tmurt n leqbayel, d kra n imagraden n tɣamsa yuran ɣef umezruy n yennayer. Ɣer yiḍ yekfa leqdic s s yimensi n yennayer akked yiwet n tmeɣra n ccdaḥ d le défilé de mode,i d-jemɛen tiwaculin timaziɣin akked d irumyen yettidiren di tama n usammer n fransa.
B.Benhamouche