Kra n waguren kan i iεeddan γef tlalit n tilibizyu n Lezzayer tis 04 i ineṭqen s tmaziγt,atan terna-d γur-s tayeḍ d tamaynut aya mebla ma nettu ur d-nbedder ara tamezwarut akk seg-sent Brtv i γ-d-yettasen seg akkin i lebḥer.Seg wass n 06 yennayer ideg nella i tebda tilibizyu-a tamaynut aceyyeε n wahilen-is yellan deg ubrid n tirmit s ttawil n satilit(Nilesat,Hotbird)d ubrid n lqaεa(TNT).Imḍebren n umaṭaf-a xebren-d belli aya »Yella-d ilmend n usemres deg unnar n yinaw n ugellid n tmurt Mohammed Vl i yefkan lweεd s usnerni n yedles amaziγ asmi i yexdem tirza-ines γer temnaḍt n Adjir deg wass n 17 tuber 2001 ».I yefkan daγen lwelha deg usenfar-a,d asileγ n yineγmasen d yitiqniyen i ixedmen deg-s,aya yella-d s lemεawna n tsudut IRCAM,tasudut yellan d agraw n yimassanen imeqranen n tmaziγt yecban Ahmed Boukous d wiyaḍ.Ma d ahilen n tilibizyu-ya,ad ilin d imerkantiyen seg yineγmisen(isallen) ar waddal d yidles.Rnu γef waya,tira n tfinaγ yellan teṭṭef amkan-is s wudem unsib di akk ahilen i ara d-yettεeddayen.Ihi: ansuf s Lqanat n Tmaziγt,ara yesferḥen akk tamazγa.
Mokrane Chikhi