«Ad d-nuγal sman-nniḍen ma ur frint temsal-nneγ… » d wa i d awal i aγ-d-nnan yimḍebbren n sin sindikat-agi Unpef akked Cnapest ass n 20 di yennayer zdat n uxxam n tenmehla n usegmi n lwilaya n Tizi Uzzu anda i d-yella yiwen ibeddi (sit-in). Ixeddamen-a n uḥric n leqraya n tlata yiswiren rran-d s lğeh i tiγri n sindikat-nnsen ; azal 10 000 yid-sen i yekkan di tikli i d-yeḍran seg uxxam n tenmehla armi d lwilaya anda i d-yella usmekti n tenqiḍin-nni n ucetki-nsen ; gar wayen ssuturen ixeddamen-agi ad naf : asemsawi n liḥala-nsen deg wayen yeεnan tadrimt, tiddin n lecγal akken iwata deg uxxam n tenmehla, tukksa n tneḥyaft, asizdeg n yikayaḍen…atg
Di taggara, tekcem yiwen n tesqamut teẓra-d lwali. Σlaḥsab n yiwen yimḍebber n sindikat, lwali iwεed-iten akken ad yefru timsal i yellan gar yifassen-is, tiyiḍ ad tent-issiweḍ i uneγlaf n leqraya.
Lhocine Ourezki