Ass-a n wussan, yuγal mi d-tudreḍ At Wasif ad d-tesmeεneḍ γef tugdi d lxuf n yal ass, i ttidirint tudrin n tγiwant-agi, rnu mi ara d-tadreḍ ssebat neγ d acu i yellan, ilaq ad t-id-tiniḍ s leεqel ma ulac ad ak-id-slen! Yak d At Wasif n rrebrab (ur ken-εniγ!!!)
Atta tikti tamatut i sεan akk medden γef At wasif – n rrebrab -… Maca acu i aγ-yeswahmen? D imezdeγ n yal taddart i yestkelfen γef tεessast d uḥareb n yixxam-nsen… yal yiwen ad iεass γef lḥerma n uxxam-is, ar d-agi, d ayen ibanen… maca tin “yelhan”, d tagi i aγ-d-εawden yimzdeγ-nsen: at taddert yal mi ara xedmen tajmeεt, ad d-fernen taseqqamut n kra n yilmeẓyen akken ad nadin γef rrebrab, ad d-awin isallen i ten-yeεnan, akken ad ten-ṭṭfen… S wawal d amecṭuḥ: Imezdaγ-agi lhan-d s temsalt i nenwa yella win yestkelfen yis-s?!
L.O