Taɣiwant n Tirmitin i d-yezgan ɣef teɣzi n 7 km ɣef temdint n Tizi Wezzu, d tin i d-yesfaydin s yiwen wahil n 80 n tmezduɣin n senf n social i lmend n tifrat n weɣbel n tmezduɣt d igerbiyen deg temenaṭ-agi n lwilaya. Lecɣal n lebni d wid yekfan deg 50 n temezduɣin u yetturaju ufraq-nsent deg wussan d-iteddun i imezdaɣ n iɣerman n L Burǧ d Leqsar. I wesmekti, timezduɣin-agi tiqburin ttusebedent deg tallit n Fransa i wakken ad illint d lkazirnat. Ma d 30 n temezduɣin i d-yegran, mazal lecɣal u sewejed nsent d wid itteddun. Si tama niḍen, yettunefk a-d nesmekti belli taɣiwant agi deg lan aṭas n tudrin, tesfayedi-d s yiwen n wahil n lemɛwna n 70 imelyunen n sentim i lfayeda n imezdaɣ. S wakka ttusbedent-d azal n 430 n temezduɣin deg yiwen n wahil ameqran n 1 200 n temzeduɣin. Garasent 250 kecementent i mawlan-nsent. Deg tagara ad d-ner lwelha belli taɣiwant n Tirmitin am nettat am aṭas n tɣiwanin niḍen di lewilaya n Tizi Wezzu, tettidir deg weɣebel n lexsas n wakal n lebni.
Dalila I.