Tadyant-a teḍra ilindi acukan ulac aɣilif ad tt-id-nebder assegas-agi imi swaswa d amulli-s! Yusa-d 14 di furar, yewwi-d yid-s iεemmuren n yijeǧǧigen d izen n tayri. Wid εad wer t-nessin deg warrac d teḥdayin steqsayen d acu-t waya? Akken ula d Brahim, d anelmad deg uɣerbaz amenzu. Nnan-as-d wat uxxam-nsen (s leḥya) d ass n lemḥibba…zeεma ma yella win ak-yellan deg wul awi-as tajeǧǧigt. Yuɣ-d tajeǧǧigt, yewwi-tt i tcixet-is…Diɣ ula d nettat tewhem, acu akka i t-yuɣen uqcic-agi? Yagi yelmed ass n lemḥibba? Yagi yekcem di tmeqqranin… lḥasun mačči yiwen wawal i heḍren fell-as imeqqranen, umeɣbun meskin…
Mi d-ttalsen i tedyant-a, ad d-naf aqcic amecṭuḥ yedneb axaṭer yenna-d « ḥemmeleɣ-kem » i tcixet-is mebγir ma tesgugem-it leḥya!!…yak tayri di tuɣac kan ay arrac! ( Ziɣ i d-yenna Zimu drus!)
Dj. Ahitaghel