Daira n Uzeffun d tin i-d yesefayedin s tulya n 24 n yiceceččayen n iɣerbazen deg iseggasen-agi ineggura deg 4 n tɣiwanin : Aɣrib, At Caffa, Aqaru d Uzeffun. Aseggas-agi azal n 10 n yiceččayen imayenuten i yellin tiwwura-nsen i yinelmaden (6 deg teɣiwant n Azeffun : tudrin n Bumelal, Acubba, At Illul, Tazaɣart, Tiwediwin d Bumesɛud). Sin n yiceččayen nniḍen lin deg tɣiwant n Aɣrib deg iɣerbazen n Adrar d Iɛgacen, aceččay nniḍen deg teɣiwant n At Caffa deg uɣerbaz i wumi qaren Iguǧal d wayeḍ niḍen deg teɣiwant n Aqaru deg uɣerbaz i wumi qaren Alma Geccum. Azal n 475 n inalmaden i d-yesfaydin s yiceččayen-agi imi leḥsab n inalmaden d win ineɣsen iseggasen-agi inegura deg lewilaya n Tizi Wezzu. Aṭas daɣen n tzeɣwa n leqraya yella-d uheggi-nsent i wakken ad uɣalent d iceččayen. Si tama nniḍen ad ner lwelha belli ɣas akken tella-d tifrat n wugur n usewejed n iceččayen deg wazal n 24 n iɣerbazen ger 26 yellan deg daira n Azeffun, maca mazal ugur n usiweḍ n isufar n tuččit ɣer iɣerbazen-agi i ibeɛden s waṭas. Dayen yeǧan tuččit ur tweneɛ ara.
Dalila I