di le Val-de-Marne, massa Linda Oaud, i yellan ɣef uqerru-is tqeddec i usbeddi n temkerḍiyin di tudrin n tmurt n Lezzayer i lfayda n warrac imeẓyanen ur nettaf ara tagnit iwakken ad ɣren iḍrisen ama s sebba n lixsas nsen ama s tin n lixsas n tedrimt. Timkerḍiyin- agi d tid i-d yuɣalen s lfayda tameqrant ula i yiselmaden n tutlayt tafrensist i yettafen deg-sent ahilen I s-i qedcen d yinelmaden nsen. Tiddukla tadelsant «Un livre une planète» i iqeddcen d yimḍebren n tɣiwanin sleḥqen ad swejden azal n tesɛa n temkerḍiyin deg yiɣerbazen n uswir amenzu di tmurt n leqbayel d lwilayat nniḍen, aya s leqdic n yiɛeggalen -is di tmurt n Fransa. Yiwen n leqdic nniḍen s wazal-is iɣer tesselḥeq ad texdem tiddukla-agi d tikci n yiḍlisen d wuraren n tmusni I yimuḍan n waṭṭan n uxenzir neɣ le cancer di sebiṭer n wehran. Am wakken i tmud iḍlisen nniḍen i uɣerbaz amenzu Aḥmed Zabana di Wahran, d yiwen uɣerbaz nniḍen iwummi qqaren Tizza di tɣiwant n Ammal di lwilaya n Bumerdes, am wakken i-d tessebded yiwet n temkerḍit deg uɣerbaz n taddert Imsunen di tɣiwant n yiflissen n Lebḥer ass n 19 di maggu yezrin, Am wakken I tefka azal d ameqran n yedlisen n temkerḍit n Ugni Ufeqqus di tɣiwant n Buǧima d tin n Teqsebt d Timlilin di tɣiwant n yIflissen n Lebḥer. Si tama nniḍen, ad d-nesmekti belli tiddukla- agi texdem leqdic meqren ula di lwilayat n wunẓul n tmurt. Dalila I. M’kira Lebni n tesnawit s leɣla di lwilaya Lebni n tesnawit di tɣiwant n M’kira deg unẓul n lwilaya n Tizi Wezzu d win ara d-yesqamen tadrimt meqren s wazal n 40 n yimelyaren idinaren. Ssebba n leɣla n lebni n tesnawit- agi d amkan yettwaheggan ur nelli ara d luḍa iwakken ad yishil uxeddim deg-s. Ad d- nesmekti belli asenfar- agi n lebni n tesnawit d win I ttrajun imezdaɣ n tɣiwant- agi imi ḥala nettat ur nesɛi ara aɣerbaz yecban wagi. D asenfar d win ara yessifsusen taɛkemt ɣef yinelmaden n tama -agi i yesɛeddan ussan barriken. Si tama nniḍen, ad d- nesmekti belli lecɣal n lebni n yiɣerbazen n uswir alemmas d wid yewḍen ɣer taggara nsen di tɣiwant- agi, yetturaju ad llin tiwwurra nsen deg tazwara n waggur n ctember I d- iteddun.
Dalila I.