D imelyan n yizzayriyen d yimezdaγ n Tmazγa i yeṭṭafaren s lqewwa isallen n Terbaεt-taγelnawt yellan akka tura deg ass-is wis tlata n Lmundyal 2010 i d-yellan di Tefriqt-Wadda,Lmundyal amezwaru ara d-yeḍrun akk deg umenẓaw(continent) n Tefriqt.Ta d tikelt tis tlata ideg tettekki Terbaεt-taγelnawt deg ttiεad-a ameḍlan yesεan azal.Amezwaru d win n useggas n 1982 ma d wis sin deg useggas n 1986.Rebεawεecrin n yiseggasen mbeεd tallit n Madjer d Belloumi,asafu yuγal deg ufus n Ziani d Halliche d yemyuraren akk n usleγmay Rabah Saâdane.Imnasren n Yizegzawen ama d wid iruḥen γer Tefriqt-Wadda akken ad walin srid timliliyin neγ wid yellan deg yixxamen-nsen,sεan asirem dakken tarbaεt-nsen ad texdem igemmaḍ yelhan γas ma ad tger aquddim γer tedwilt n rbeε n taggra.One two three viva l’Algerie.
Mokrane Chikhi