Kfan yimuras, ama wid n unebdu neɣ wid uklalen wid i ixeddmen. Aɣmis n yimaziɣen yuɣal-d ɣer yimeɣriyen-is, widen akken I t-yettrajun yal ass n letnayen am waggur n lɛid. Ggten yiseqsiyen, yal wa itetter acimi tlata n wagguren aya ulac isebtar n tmaziɣt. Mačči d tamaziɣt I yunagen, acku am waken i s-yenna Lwennas deg wawal-is:” Win i s-yennan tamaziɣt tefna, d win iɣelten ayen ur d-iḥerr ara.”
Ass-a, nuɣal-d s wafud ijehden, ahat s tikta timaynutin ara yeǧǧen isebtar n tmaziɣt ad ddun ɣer sdat, ad snernin annar i tmaziɣt di tmetti, isebtar ara yilin d afus ayeffus i uselmed n tmaziɣt ama deg yiɣerbazen neɣ di tesdawiyin.
Asirem nneɣ d asnerni n tmaziɣt, d leqdic s tutlayt-a deg taywalt, d asiweḍ n yizen yes-s.
Nettraju deg yimeɣriyen ad d-fken rray nsen ahat d win ara yesnernin deg yiseɣ n tmaziɣt. Ihi, aru(m)t-aɣ-d ɣer :