Segmi akka d-yurag lxir seg yigenni ussan-agi ineggura, abrid aɣelnaw wis-5 yettawin seg Lakhdaria ɣer tmanaɣt yuɣal d tiḥenniqt i yimdanen. Ur yeshil ara ad d-tegreḍ abrid ɣer Lezzayer ma yella ur k-yerkib ara lḥir. Yal tameddit, d tiqufya ara twaliḍ, takerrust deffir tayeḍ ɣef teɣzi n wacḥal n kilumitr. Tadyant akk i ikemmlen lḥif almi yewweḍ s ajmam, mi akken i d-isax udrar tama n lɣir n Palisṭru. Ula deg wawal mi ara k-inin isax-d udrar. Sin n yimdanen i yessufɣen dinna tarwiḥt, mebla yimejraḥ. D lwexda tameqrant i yeḍran, nsan medden deg ubrid ass-nni, gar-asen kra s twaculin d yigerdan. Ass n lexmis yezrin, tuɣal taluft akken i tella, almi acḥal d anehhar i d-yuɣen abrid n Dreɛ Lmizan. Tekkuffet liḥala, ikamyunen ketren, abrid yeḍyeq.
Ɣef leḥsab amek iteddun lecɣal, abrid ameqran n udrar n Buzegza ad yeldi taggara n useggas ideg nella. Sya ɣer yimaren, ad yeqqim umkam n Palisṭru d tamḥayent i wid ara yerzun ɣer tmaneɣt neɣ ahat ɣer temdinin d twilayin i s-d-yezzin am Boumerdès d Blida d tiyaḍ. Acku, axeddim i yettrajun amkan-a i d-yettraben mačči d ass neɣ sin.
A. A