Iẓuran n tfaska tadelsant « Taγuri s Wurar » n usegga-a 2015 s usentel « Adlis d Nekkni », i yebdan s wudem unṣib ass n 21 maγres almi d 02 yebrir n useggas ideg nella γef teγzi n 13 n wussan, d wid yemden, imi ahil n leqdic d amesbaγur yennul timnaḍin niḍen am temnaḍt n Yiεeẓẓugen. Dγa ahil n leqdic id-heggan yemḍebren n tfaska-agi « Taγuri s Wurar » deg wexxam n yedles n tγiwant n Yiεeẓẓugen d win id-ijebden tamuγli i warrac imecṭaḥ d yimawlan-nsen id-irruḥen s tuget ḥedren. Deg ass wis 02 n tfaska-agi tadelsant, yella-d yiwen n leqdic s wazil-is deg aḥric n yisakwanen yemgaraden γef wedlis, am taklut d wannu&gamma,; ideg yukkan deqs n warrac imecṭaḥ s lεamur yemgaraden di 06 almi d 14 n yiseggasen, id-ibegnen lfarḥ-nsen deg sakwanen-agi, imi d tagnit yelhan akken ad-sufγen afrayen-nsen d wayen i ttḥulfun. Akken id-yella usekfel n tmucuha i yellan d azamul n teqbaylit, imi tamacahut d aγarbaz n tudert, syen tella-d temilit d wemyaru, taγuri n umezgun, aselmed n umezruy d waṭas niḍen. D tagnit yelhan imi deqs n warac imecṭaḥ d yimawlan-nsen id-iqesden axxam n yedles n yiεeẓẓugen, fursen tagnit deg ussan-agi n imuras.
islam Bessaci