N’wala aṭaṣ n t’ḥuna n-uraɣ (Bijouteries) yeldin iseggasen-agi ineggura deg temdint n Aqbu, i d-yezgan s kra n 60 ikilumiṭren ɣef Bgayet. As t-ini-ḍ d ttawla n-uraɣ yewwin medden! Ayagi yebɣa ad yini belli uraɣ yesɛa azal muqren deg lkumirṣ. Maca, taggara-agi, ssuma-s terna s waṭaṣ deg umaḍal. Ayagi yewwi-d laɣla-ines deg t’murt nneɣ. Akka tura, uraɣ yettnuzu gar 4600 ɣer 4800 idinaren i yiwen ugram. Azal-is yerna aṭaṣ, ɣef ayagi ur nettwali ara aṭaṣ n t’lawin, yagi, ɣer daxel n t’ḥuna-agi. Laɣla n-uraɣ yewwi-d yides taɣawsa nniḍen. Akka ihi, lfeṭṭa « t-negzed » akken att-awi amakan-is is-iruḥen acḥal aya. Tiḥuna n-uraɣ uɣalen-t znuzun-t lfeṭṭa s waṭaṣ, alarmi yuɣal uraɣ am akken ur « yeswi » ara ! Deg « les vitrines » n t’ḥuna-agi lfeṭṭa texdem axeṣṣar. Tewwi aḥric amuqran, yerna ttaɣen-tt medden, yagi tilawin, acku terxeṣ ɣef uraɣ. At Yanni iɛedda sya! Akka, ih lfeṭṭa n’At Yanni texdem laɛǧeb deg temdint n Aqbu, imi tuɣal d « la mode » gar tlawin d ttilmeẓyin, yufan d-akken d-abrid n t’naṣlit, acku lfeṭṭa n’At Yanni tettwassen s wazal-is muqren. Aṭaṣ n yikumirṣiyen n-uraɣ id yewwin lfeṭṭa n’At Yanni akken attezenzen deg tama-agi n Aqbu. Deg « les γitrines » n wala aṭaṣ n lǧuhar yettuxedmen s lfeṭṭa. Am imeqyasen, tizrarin, timengucin, tixutam,…cebhen dayen kan, imi reqmen. Ṛennun-d lecbaḥa i t’lawin iten-yettlusun. Ngar tamawt ɣef ṣṣenɛa-gi n lfeṭṭa, nufa belli am akken tuɣal-ed s tezmart iǧahden taggara-agi. Ɣas akken truḥ attenger iseggasen yezrin, lxedma n lfeṭṭa tuɣal-ed tewwi-d yides idles-is anaṣli. Lḥirfa-agi n lfeṭṭa tesɛa leqrun d leqrun deg lɛamer-is. Udem-is d yiwen kan: Ur nettaf ara deg maḍal lḥirfa itt-icuban acku areqem-ines (les motifs décoratifs) n t’murt n leqbayel kan! D-acu kan, llan-t kra n twaculin deg tama n’At Ɛebbas mazal-iten-t xedmen-t lfeṭṭa, d-acu drus-it. Am t’wacult n’At Ṭaleb deg taddart n’Ayt Dassen i d-yezgan deg t’ɣiwant n Bujlil, anda mazal xedmen cwiṭ n lfeṭṭa.
Syphax Y.