Ass n lexmis yezrin, yiwet seg tedwilin n tiliẓri taqbaylit « Berbère Télévision » tessunebg-d yiwen seg yimeɣnasen yettwasnen deg unnar s umennuɣ-is ɣef tmaziɣt seg yiseggasen n 70.Maca, iseqsiyen n Kamel Tarwiḥt rzan taluft n timanit n tmurt n Leqbayel akked le « GPK ». Segmi amdan-a d netta i yellan ɣef uqerru n usqamu n yineɣlafen n « le MAK », yeɛreḍ ad iqenneɛ s tikta n umussu i yessedduy. Mi s-yessuter uneɣmas ad d-yini aniwi i t-iwekklen ad yemmeslay ɣef yisem n yiqbayliyen, Ferhat n At Sɛid yerra-d tamegḥelt-is s aneɣlaf amezwaru n tmurt n Lezzayer iɣef d-yenna:” Ulac win i iwekklen Ouyahia iwakken ad yemmeslay ɣef Lezzayer… » Dagi, snat n tlufa ara d-nessukkes. Tamezwarut d akken Ouyahia yessebded-it uselway n tmurt yulin s ubrid n tefranin akken yebɣu ilint. Tis-snat, awi yufan lukan ameɣnas-a ad d-yewwet di kra n win akk igezren tamurt, mačči ḥala aneɣlaf amezwaru i d axṣim. Acḥal i yellan d igezzaren yiwen ur ten-id-yebdir !
Taluft n tlilit n Fehat di Lezzayer yules-as-d Kamel acḥal n tikwal. Maca, ameɣnas yeṭṭef deg wawal-is d akken tisin-is d tin ara d-yilin wissen melmi. Nwulef ! Skud llant tebratin n trisiti akked “le fax” kullec ad d-yass s ufella. Tin akk i yessewhamen d akken akk yineɣlafen n GPK ttidiren dihin. Anef i nekni ad nidir deg usirem ahat wigi ara yessuzfen fell-aɣ lḥif ad d-ttmektin tamurt mi ara tifrir tafat deg les Champs Elysées. Ayadra, win yeddurin la Tour Eiffle ma d-yemmekti imeɣban, ma feḍren ur tetten ara imensi ? Amennuɣ par correspondance iɛedda lawan-is, fell-as i yeɣli Amirouche d Lhouès. Ass-a, d inelmaden n tesdawit i ttmekkinen d“ la chaire à canon”. Yak Hacène Ahris iweṣṣa, yenna:” ǧǧet-ten ad imɣuren”.
Taluft yerzan ssenǧeq neɣ leɛlam yewwi-tt-id umeddaḥ di teqsiṭ. Deg tama, nettawi win akken yesɛan azegzaw d uwraɣ, deg tama nniḍen neqqar-d d tamurt n leqbayel i yefkan arraw-is d asfel ɣef timunent n Lezzayer. Yak ɣlin ɣef leɛlam, bu tlata yiniten ? Lḥasun, ɛqel-itt neɣ bib-itt. Taneggarut, d tanekda neɣ nnekwa i d-yessewjed le GPK. Dagi, ur fhimeɣ ara les concepts: autonomie et independance.
Ɣer taggara, iseɣ yeksb umeɣnas, d uswir i s-yettwassen, yerra-d:” ad kecmeɣ lezzayer asmi ara iyi-yehwu”. Aqerru-iw d aferḍas, i tenna temɣart.
A.A