Leɣella n uzemur di tmurt n leqbayel d tin ifazen aseggas-a imi yetturǧu ad yelḥaq leqidar n 600 000 iqenteren. Ad nesemekti belli leɣella n uzemur deg usseggas yezrin d tin ur nettuqet ara imi tessaweḍ ḥala azal n 200 000 iqenṭaren. Ɛlaḥsab tanmehla n tfellaḥt n lwilaya n Tizi Wezzu, assegas-a, ad tessiweḍ leqruban n 20 iqenṭaren i weqṭar; mebaɛd imi tella ala 6 iqenṭaten i weqṭar deg useggas yezrin. Aya d ayen yeǧan leswam n zit uzemur ad aweḍen 600 idinaren i litra. Ma asseggas-a yetturaju ad ṣubben leswam. Si tama nniḍen ad nesmekti belli aseggas n 2008 d win i deg tewweḍ leɣlla ɣer 700 000 iqenṭaren i d-yefkan azal n 10 000 imelyunen n litrat n zzit. Ad d-ner lewelha belli lwilaya n Tizi Wezzu d tin mechuren s tfellaḥt n uzemmur : tekseb azal n 33 000 yeqtaren n uzemur, u azal n 27 000 n tezemirin. Leɣella-agi uɣur tezzi tmuɣlli isseggasen-a inegura ama si tama n yifellaḥen ama s-ɣur dulla, d tin i d-yettawin amɛic nes i ddeqs n twaculin n tmurt, ɣas akken times d-yella aseggas-a d tin yeglan s luluf n tzemrin.
Dalila I.