Akken twalam, nek d abibiḍ. Milmi kan i d-luleɣ mbla ma icawer-iyi-d yiwen. Mais bon, tura aqli da, yerna am umesmar n ǧeḥḥa. Asmi akken lliɣ deg tɛebbuṭ n yemma i ḥsiɣ belli anda akka ara d-ɣliɣ mačči akk d tamurt. D’ailleurs awal amzawaru i ḥefḍeɣ asmi akken i lliɣ d foetus d “ulac ! ”. Ulac zzit, ulac aɣrum, ulac ssabun n tmacint, ulac trisiti…
Lḥasun mačči d yiwet la négation i wumi sliɣ. Ihuh, d acu-tt tmurt-agi n wulac i ɣer tedduɣ !? Tlata wussan uqbel ad d-laleɣ, ddiɣ di tɛebbuṭ n yemma ɣer sbiṭar. Ass-nni dɣa i yexreb sérieusement lmux-iw. D’abord, je me suis rendu compte belli mačči ḥala yemma, baba, setti… i yellan di ddunit. Ensuite, tagi d axessar akk, taqbaylit-nni waqila ḥala yemma i la tt-iheddren. Ass-nni i deg d-luleɣ, rran-iyi ɣer yiwet n tebbaṭ n zǧaǧ. Din iyi-d-qubel un comité d’accueil : sin ikafaren d yizi. Tameddit-nni, sufɣen-iyi-d si tebbaṭ ad ṭḍeɣ, ad iyi-tẓer twacult-iw. Seg yimaren i bdan ssufran leḥnak-iw si tmammaḥin. Win d-iḍalen ɣer dduḥ ad iyi-ssum. Ɛyiɣ qqareɣ-asen ulac mmaḥ, maɛna am win iceṭṭḥen i uderɣal… Ur ɛeṭleɣ ara di sbiṭar. Azekka-nni fɣeɣ-d. Deg wexxam, ulac anida ara tesserseḍ aḍar-ik. Tawacult, leḥbab n baba d yemma, d lǧiran ruḥen-d ad iyi-suwitin la bienvenue ɣer ddunit. Sserwan-as i yemma timellalin, nek tikustimin. kra n temɣarin kecment-d s uslilew : “lḥemdu lelah imi d aqcic !” ihuh, ɛniɣ zemreɣ ad d-laleɣ d ayen nniḍen !?. Aṭas seg wid d-iruḥen ad iyi-saden sudnen-iyi si tebbuct. Imir i bdiɣ ḥessuɣ acḥal i qersen les adultes. Seg wasmi d-luleɣ ar ass-a ḥeḍreɣ-as i one, two, three viva l’algérie ! D widak-nni k-yeqqaren ulac i yettuɣun “one, two…” Ruḥ, tura keč fhem les adultes-agi. Azekka d yennayer. Ur zriɣ ara d acu-t. Ẓriɣ kan belli iḍ-agi d seksu d uyaẓiḍ.
Nek d ayefk n l’importation.
T.Ould amar
G.M: takrunikt-a teffeɣ-d di yennayer 2010