Iḥḍer-d umezwaru di ccetwa : Lkanun, times, irrij, akanaf…siwel-iyi-d tamacahut ! Timseɛraq, wa yqunneẓ-tt, wa yecleqf-itt. D acu-tt ? D acu-tt ? Wissen ma awen-tt-id-inin !!! Tanekra taṣebḥit, abrid abrid, s iɣil n wammas neɣ ɣer tmensiwin. Wa s ugectum, wa s tqucciṭ n yesɣaren, ma mazal
ifadden. Heḍru-d amezwaru di ccetwa, teɣzi n wuḍan d ideflawen. Iẓeblac ad cebbḥen lqermud azeggaɣ yeṣṣren ixxamen iqdimen n tmurt n leqbayel, ma mazal-iten !
Ḥeḍru-d ccetwa, ddeqs ara yawi uḥemmal, aṭas ara yneɣ wegris, ddeqs ara yenɣ lgaz ama di tudrin ama di temdinin. Ḥeḍru-d ccetwa a nessaɣ ticemmaɛin, a nreɣ akken ad walin medden, a nectiq trisiti, a nxelleṣ ayen ur nečči, asen-naf lbenna i wuḍan.
Ḥeḍru-d ccetwa, akal d isyaxen, iberdan ɣelqen, am ṣbeḥ am tmeddit…
Ḥeḍru-d ccetwa, a nemyaɛqal d atmaten, a nefk nnuba i wawal, ma dduklen iɛeggalen !
Zira