Tazrigt tis snat n tfaska taγelnawt n umezgun amazi&gamma,; tebda ass n 10 dujambir 2010 s teγzi n 09 n wussan di tzeqqa n temzikent n umezgun n temnaḍt n Batna. Ahil n tfaska-agi d amarkanti, aṭas n tejmilin ar yuγalen i wudmawen n umezgun ass amenzu n tulya-s, ger wudmawen-agi : Ahmed Khoudi, Khaled Bouali Akk d Mohamed Bouiche.
Tirebbuεa n umezgun ar ad-yekkin di tezrigt tis snat n tfaska, ger-asent tella terbaεt n umezgun n temnaḍt n Batna, ar ad-yuraren tacquft iwmi qaren « Aqwar Amenḥus », amezgun n temnaḍt Bgayet ad-turar tacequft iwmi qaren « Sin-nni », amezgun n temnaḍt n Tizi-Wezzu ad-uraren tacequft iwmi qaren » Sinistri », tacequft » Tameddurt » n terbaεt umezgun n Oum El Baouaghi, tacequft « Taduḍt » n terbaεt n umezgun n temnaḍt n Tamanraset, tacequft » Aẓeṭṭa n Tzuyuwin » n terbeεt Talṭṭat, tacequft « Tamamt » n terbeεt n wexxam n yedles El Maadar n temnaḍt n Batna.Tacequft « Tilleli » n umezgun n temnaḍt n Mεeskar, « Tarmazin tesili-d irgazen » n terbaεt tazdayt n temnaḍt n Ghardaia, akk d tiyaḍ-nniḍen.
Tagara n tfaska ass n 18 dujambir, ad-tuγal tejmilt i umedyaz amyaru n umezgun aqbayli wagi d Muḥya (1950-2004).
rnu γef waya, yenna imḍeber n tfaska-agi mass Mohamed Yahyaoui, d akken aṭas n leqdic ar ad-yillin i demma n tezrigt-agi i lfayda n usnarni n umezgun amazi&gamma,; d wesqardec n tlufa si yal idisan. Syen a d-yilli tikci n warazen i trebuεa n umezgun i d-yufraren.
Islam Bessaci