Ilmend n usmekti n wass aγelnaw n yimeεḍar,terza-d γer tγiwant n Sidi Σic tudukla « Tariq Essalama » i iqedcen γer uswir n lwilaya n Bgayet deg wayen yeεnan aseεlem n yimezdaγ s wayen akk yerzan tanhart d leqwanen-is akked wuguren-is.Di tirza-ya n useεlem i d-yellan ass n ssebt 04 dujember,iεeggalen n tdukla i d-nebder nutni akked yiγallen n usellek,ggan yiwet n temzikent n tsawer i d-yesbegginen laksidat yemxalafen yeḍran deg yiberdan n tmurt-nneγ;rnan daγen fesren-d aṭas n lekwaγeḍ ideg uran yisuḍaf d yakk isallen icudden γer tenhart.Γer yidis n temzikent-a i d-yellan deg uzniq iqublen axxam n ssinima,yella-d daγen usenεet n tetiqniyin i iwulmen ad tent-yexdem umdan akken ad isellek imejraḥ di tegnatin n laksidat.
M.C