Tawwurt n ussegas amaynut n yimaziγen qrib a d-telli, yennayer yewweḍ-d γer yemnaren. Ilmend n waya, tiddukla « Azul de kabylie » n tmurt n Kanada tamnaḍt n Montréal, d yeqbayliyen i yunagen γer tmurt-agi, a d-sudsen yiwet n tmeγra s wazal-is γef dema n umenzu n yennayer ass n sebt 08 yennayer 2011 γef 19h30, di tzeqqa n umeraḥ n yelmeẓyen ( Centre des Loisirs « La Jeunesse »). Ahil n tmeγra-agi damarkanti, yella deg-s, cnnawi, cḍaḥ, iẓẓawan d wayen nniḍen.
Ihi iγriben-nneγ akk d waculin-nsen zemren a d-qesden tazeqa n Ilmeẓyen n temdint n Monréal, ma yella d arrac imecṭaḥ s ddaw 10 issegasen a d-kecmen baṭel mebla ma yella xelṣen fell-asen. Assegas ameggaz i yal amaziγ anda yella.
Islam Bessac