Leɛca truḥ-d yaya. Akken kan ara d-tekcem s axxam, srid ɣer leḥnak-iw. Sakin d l’oprétaion massage s zzit n uzemmur.
Tameddit maḍi, uqbel ad iyi-ren ɣer dduḥ, d tawattla : ad iyi-tenneḍ deg yibeḥnaq armi cubaɣ les momies-nni n Maṣer taqdimt. Lukan i terbiḥ, tili les adultes (y compris yaya) d imaṣriyen ara “mumifyin. Mais akka, d nekni, d ibibiḍen i d asen-isehlen! Akken ifuk “umumifyi», tserreḥ-as yaya Ǧiǧu (akka i as-sesawalen) i tuɣac-nni yezuzunen. Ad tent-id- tebdu si “gecula, ḥemula, tiɣeṭṭen, timura, err-itent-id a mimmi tura, tura, lemmer wi k-id-iqeṭṭan…” alamma d “ atan, atan yessefraḥ am yizimer deg umraḥ, taqemmuct-is d tteffaḥ”. Mais tin i ḥemleɣ aṭas, aṭas d taɣect-nni “ay aḍar zwir wayeḍ. Yelli-s n lqayed ad tt-taɣeḍ”. Mara iyi-tt-id-cnu yaya, ad qnent, tout de suite, taṭṭucin-iw, ad ɣerqeɣ di tirga. Mačči d yelli-s n lqayed i ttarguɣ (d’ailleurs ur tt-sineɣ ara) : d Nuja i d-ttemliliɣ deg yiḍes. Acḥal aya ur tt-mlaleɣ di polyclinique ! Wisen ma ad tt-in-nafeɣ ddurt d-iteddun ?
En attendant, ttemliliɣ-tt di xuxuc. Et rien que pour ça, vive tawattla d tuɣac n uzuzen n yaya Ǧiǧu !
Ula d les adultes ttḥessisen i tuɣac n uzuzen d-yettɛeddin deg tilibizyu, ladɣa asmi akken iten-tuɣ tawla n tciret uḍar: “ḥebba, ḥebba…», “… ki nesmeɛ-ha yeccewek leḥmi”… Lḥasun mačči d yiwet. D acu mi ara asent-slen ur gganen ara am nek. Nekk ma ttseɣ les neurones-iw ukint. Ma d nutni, tuɣac-nni ttruḥunt srid xer lmux-nsen, ad t-segnent. Mais, iɛjeb-iten yiḍes-a. D’ailleurs, sliɣ-as i yiwen deg-sen yeqqar-as : “nḥemmel-it, nettaf ɣur-s”.
Memmi cteddu imɣur
Tuzureḍ s wudem yettnur
Ad d-tecbuḍ wi llan d aḥrur Aggus-ik lebda yeččur
Awal-ik d ccfa ur yettḍur
Di tejmaɛt tezgiḍ meqdur
T.Ould amar
* teffeɣ-d yakan di yennayer 2010