Yal imi ara d-ḥedrent tewwura n useggas, netsbeddil imensi.Tikelt-a, imensi beddlent wussan, beddlen-t wulawen yekwan, ulawen yeččuren d urrif, d anezgum, llzen seg wayen ttwalint wallen. Imensi n yennayer, tikelt-a, ssewwentent-t tnekriwin, seg wacḥal aya. D iseggasen-aya d nekni nexmet kan, nḥedder i yfeṛṛaǧ ineqq-iten uṣeggad s uxatel,neqqim kan nexmet, imi d-tetteddu tyita as-nesseṛxu, as-neǧ ad tɛeddi xas akka zgant ttɛeddint fell-aɣ ! Imensi n tikelt-a, a t-nseqqi d ṛṛseḍ imi ara d-ffin leǧruḥ-nneɣ yessewwen acḥal-aya ; A t-nedhen s idammen n yelmeẓyen yettṛuḥen d asfel, zzewren-ten, yali mi d-ḥedrent tnekriwin, am zun akken yella wacu d-ǧǧant teflukin seg wid-nni icerrgen lebḥer, axir a ten-ččen iselman, wala a ten-tečč tmes n wurɣu yeḥman, ttṛuḥen d iseflan akken ad idirent tnekriwin, tinekriwen n yemɣiden neqqen ibuxuṣen am tmes ddaw walim. Ad nbeddel imensi amer ahat ad d-nennunnet, ma nejbed snasel, ma rgagin at tseddawit, ineɣmasen, imɣaren izemniyen…Ad d-nennunnet ma cnan-d ifennanen taɣect i tlelli, taɣect n waḍu yesmendagen i tnekriwin n lḥeqq, ass-n kan ara d-nennunet !
Zira