Ugar n ɛecra n yImdanen (gar-asen tameṭṭut) i imeknen ssura-nsen i tmest, seg 12 yennayer ar ass-a. taggara n ddurt i iɛeddan, di M’sila, d yiwen n urgaz i iɛewlen ad yesserɣ iman-is u ad yeglu s sin n warraw-is. Ḥun Rebbi leḥqen-t lmumnin, uqbel ad teṭṭef deg-s tmes !
Ula d tamurt n leqbayel ur temniɛ ara seg uxessar-a. Ass n lɣemɛa tameddit, d yiwen n urgaz di Raffour, di tɣiwant n M’chedellah i iruccen iman-is s lisuns u imekken abriki i ssura-s, daxel n lpumpa n lisuns. Akken twalan ixeddamen lpumpa, ǧelben-d s les extincteurs. Yemneɛ ugeswaḥ n Rebbi si lmut, yerwal wis s anda. Ulac win yeẓran anwa-t, anisi-t…
Hereusement, akken i d as-yenna win, nesɛa ddula ! Bac ad yeḥbes uwaɣiw-a, tenbec limamat n leǧwameɛ, ad ftun belli “d leḥram win ineqqen iman-is s tmes”. Ihi, si sya d afella, win yebɣan ad ineɣ iman-is, yextir ttawil nniḍen. Neɣ ma ulac…d times ara t-yeččen. Anwa i d as-yenna belli ur tettxemmim ara ddula ɣef
tmeddit-nneɣ?
S.O.A