I tikkelt tamenzut deg twilayt n Tizi Wezzu ad yili useqdec n ttawil n l’Internet deg unexzur n les bulletins n yinelmaden n uɣerbaz alemmas amaynut i_d- yezgan deg Abaṭṭwar deg temdint n Draɛ Lmizan. S waya, imawlan n yinelmaden ad izmiren ad walin tizmilin n warraw nsen deg le site www.webgesco.com, mbeɛd mi ara d- awin isallen i ilaqan « le code n uɣerbaz d le mot de passe » deg tnemhalt n uɣerbaz. Ad nerr lwelha belli d anemhal n uɣerbaz-agi i yellan deffir cɣel-agi, iwakken ad iɛiwin, am wakken i yessewjad ttawilat ara t-yeǧǧen ad yettazen tibratin i yimawlan s ttawil n les e-mail. D ayen ara yessisehlen i yimawlan ad ḥsun acu i ixeddmen warraw nsen deg uɣerbaz, ama d ayen yeɛnan tanabat, leqdic nsen …. Deg taggara, ad ner lwelha belli aɣerbaz- agi yettili yal aseggas gar wid i d-yettawin igemmaḍ ifazen..
D.Imgaline
Asenfar n ubrid n Tizi Wezzu- Ɛumer
Asenfar n ubrid ara icudden tamdint n Tizi Wezzu d ubrid ameqran Asamar- amalu ara iɛeddin seg temdint n Ɛumer deg twilayt n Tubiret ad yebdu deg setta n wagguren imenza deg useggas ideg nella. Ad nerr lwelha belli asenfar-agi i yetturajun deg « le plan quinquennal », d win iɣef qedcen tlata n « les bureaux d’études ». Am wakken ad d-nesmekti belli abrid- agi d win ara icudden tamdint n Draɛ Ben xedda, d temnaḍin nniḍen am At Yaḥia Musa, Draɛ Lmizan Qbel ma ad yaweḍ ɣer Temdint n Aomar deg twilayt n Tubiret. Deg taggara iwulem ad d- nini belli asenfar- agi d win ara d-yawin anegmu n tdamsa n twilayt n Tizi Wezzu, s usiweḍ n sselɛa i-d yettawḍen s Bgayet d ǧenǧen s lemɣawla. Am wakken ara yesswaḍ ubrid- agi ɣer temnaḍt n Buɣni seg temdint n Draɛ Lmizan asmi ara bdun lecɣal n CW128.
D.Imgaline