Lɣiḍ d-yessebgen wegdud n Tunes yenfufed ddaw iɣiɣden alarmi yelḥeq Maser, Yamen, Jordanie… u mazal lxir ar zdat. Ayen d-yufraren di “tegrawiliwin-agi” d le profil n wid i bedden deg udemawen n yidabuten imesbaṭliyen.
Di Tunes, seg asmi d-yebda reffu di Sidi Bouzid, ur nesli i wawal neɣ n wala slogan n yisertiyen inselmen. D ilmeẓyen yeffuden tilelliyin i d-iheggan abrid i “tegrawla n yesmin” deg uzeṭṭa n facebook. Asmi akken d-yekcem Ghennouchi n Ennahda, ffeɣen-d yelmeẓyen d telmeẓyin-nni s iberdan ad d-smektin belli d tilelli aked tugdut i d iswiyen-nnsen. Ula d netta, Ghennouchi, iḥus iɛedda-t zman. Iwekked-d belli leḥkum mačči d ayen i yessaram.
Ula di Maser, anda i rṣan les frères musulmans, d ilmeẓyen d telmeẓyin ur nekki deg ikabaren neɣ di tidukliwin tinselmin i d-yefɣen s “abeṭaḥḍah taḥrir”. D nutni i inejren abrid i tugdut. Imḍebren n les frères musulmans faqen belli tamsalt tenser-asen.
Dɣa, ula d nuni, am Ghennouchi n Tunes, “gullen” ur ḍemɛen di leḥkum, ur ttekkan di tefranin d-iteddun.
Di tmurt-nneɣ, ayen ttɛicin imasriyen d itunsiyen yella-d di Tuber 88. D acu, tagrawla-nni rekkben-tt ičamraren n FIS i yeffursen tidderɣelt n udabu n yimir i d asen-igan amkan di tmedawit. Ass-a, ilmend n uɛeffeṭ-nni iɛefṭen ilmeẓyen n bab el oued Ali Belhadj, ussan-nni n les émeutes i iɛeddan, ula di lezzayer ur d-yegri wemkan i učmrar.
Slas.O.A