…Tameddit-nni, polyclinique ssirklin-tt ibuliḥiyen d yijadarmiyen. Seg ṭṭiqan, nettnezzih deg wahruḥu ssekrent tmacinin antiémeute.
Amcwar akka, ɛeqleɣ yemma gar les adultes yemlalen deg ubeteḥḍaḥ n polyclnique. Terfed tabeḥnuqt yura deg-s “vive abibiḍ !! “ u tettuɣu s lqed n uqerru-s “abuliḥ dégage ! “.
Ad as-settwahiɣ s ufus-iw, ur d iyi-d-wala ara. Baba aussi i ḍehriyi-d gar kra n yemdanen, ula d nutni refden tibḥenyaq d teɛlamin u cennun : “min ǧibalina ṭalaɛa ssawt…”.
Pendant ce temps, daxel n lbiru n wefremli, imeddukal-iw ibibiḍen ttruẓun tiseknatin n vaccin. Deg yiwet n tekwat, yiwen ubibiḍ d tbibiḍt mmyuṭafen afus, ssefruyen tayri.
Cwiṭ akka, yeslalew tilifun. Teɣli-d tsusmi. Ur faqeɣ ara d yiman-iw almi refdeɣ combiné.
– Allo ! Dagi d imḍebber n srabes n laman. Anwa keč ?
– Euh…nek d abibiḍ
– Isem-ik ?
– Abibiḍ ! I keč isem-ik ?
– Terwam ayefki d petit suisse, testufam-d i umesxer… ad awen fkeɣ nnefs n ssaɛa akken ad d-tefɣem, sinon d moustache ara n-iẓedmen.
Sserseɣ tilifun sfehmeɣ-asen i yimeddukal-iw ayen d-yenna ubuliḥ. A l’unanimité suɣen-d : “ulac ulac, ulac tawafɣa ulac !”. Mi d-teɣli tsusmi, ibedd ubibiḍ n teqrbuzt ɣef ṭabla u yenna-d : “baba d l’ancien délégué n larac. Skifi sɛiɣ cwiṭ n l’expérience di temsal-agi n wemberrez mgal adabu. Tamezwarut, ilaq ad nemmtafaq ur nettuɣal ara ɣer deffir. Tis snat, ilaq ad nexdem akunklab, akken xeddmen larac, u ad d-nessebded une plateforme de revendications…” Netta akken ihedder, yerna yeslalew tilifun. Refdeɣ daɣen combiné.
– Allo ! dagi d France 2 !
– D acu ?
– D tilibizyu n fransa. Nebɣa ad nemmeslay d yiwen seg yibibiḍen igrawliyen”
yettkemmil
T.Ould amar
t.ouldamar@yahoo.fr