D tesriḥ, nebɣa ad nserreḥ, ad nelḥu tikli n tlelli, tilelli n yiles, tilelli n tira, tilelli n tilin, tilelli n uḥemmel n wayen I ɣ-yessidiren…
D tesriḥ, nebɣa ad nserreḥ ad d-nessayes ijeǧǧigen izeggaɣen n imeɣrasen n tugdut si 1990 ar ass-a n wussan…muhab yisem-nnsen, muhabet tikli-nnsen, muhab wemkan-nnsen yeqqimen d ilem skud ur t-nleqqem ara s isegmi n tlelli…
Tilelli, nettargu am yiḍ am wass, tilelli i aɣ-yeṭṭafaren am tili yal imi ar aɣ-d-magren s yijeǧǧigen n uzaglu d lbaṭel.. yal wa s yijeǧǧigen-is… yal wa d ijeǧǧigen i iɣeṭṭem akken ad yidir i lemni.. ḥeru-d ass n tlelli, ḥedru-d ad tbeddel teswiɛt, ad negren wid-nni iɣeṭṭmen isegman n tlelli…ḥerdu-d ad terɛed, ad rrgagin at lbaṭel, wid-nni ijeggḥen temẓi-nneɣ, nectaq ad nwali lehna, nectaq ad nezdi lqed-nneɣ am nekni am medden… am wass-a a temɣi zerriɛa n ijeǧǧigen n telli, ad nessu tamurt, ad s-nesbur akken ur neqqen deg wagu, akken ur nettmettat di tili… wid-nni iḥekmen s lmut ad d-yas wass-nnsen, ass-nni ad nserreḥ, ad nelḥu tikli n tlelli, tikli-nneɣ si tizi akin…
Zira