I tikkelt niḍen, imezdaγ n taddart n At-Wizgan mazal ttidiren deg yiwet n tegnit tuεer nezzeh acku gten wuguren fell-asen. Takebbanit n STGE n lgaz tγez ibardan, terwi-ten teğğa-ten akken. Ibardan n ṭumubilat uγalen d iγezran, γef uḍar ulamek ara telḥuḍ. Takebbanit n wamman ADE (l’Algérienne des Eaux), si tama-s tneqqeb deg-yibardan, urεad ad-tekkfu lxedma ad-teṭṭarḍaq anda niḍen, teswaγ ula d-nettat ibardan s waṭas, tγez acḥal d axemmuğ teğğa-ten akken brarḥen, win ara yeγflen ad-yeγli γer-s. Uggur meqqren nezzah dwin n waman n uzulliγ n tγiwant n Wizgan i d-iccuden γer wamman n uzulliγ n taddart n At-Wizgan, tama n Welma, ṭreḍqen wamman-agi uzulliγ ttazalen sufella, tfuḥ tegnitt rnu tettwaggad aṭas ma yella xelḍen wamman n zeddigen d wamman illuγen (azulliγ).Ma yella terna-d teγli-d tiqit n lehwa, yekkar walluḍ di lqaεa, ulac win izemren a d-yelḥu wama tumubilat fiḥel awal fell-asent. Ibardan γelben iγezran. Rnu γef waya, tiqqendert n Lεinser truḥ tsax.
Iberdan merra yettawin neγ yessufuγen xeṣren, ulac win iṣelḥen, ulac tama i selken. Ula d abrid amenzawi (principal) n ṭumubilat icuden ger Tḥemmalt d tγiwant n Wizgan yuγal d iγzar. Ihi ulac win ixedmen lxedma zeddigen, ulac win ixedmen lxedma tffuk, muḥal rran aγbel i yemγaren d warrac imecṭaḥ γef uγelluy.
Ula d imḍebren n tγiwant n Wizgan, muḥal gren-d tamawt γef ugguren-agi merra, ttawin-ten deg was γer wayeḍ.
Ihi imezdaγ n taddart n Wizgan sḥasfen aṭas i waya, syen gren tiγri taneggarut i yemḍebren εlayen n temnaḍt n Wizgan, ama taselway n tγiwant, aselway n Dayra, tikebbaniyin teεna temsalt, imḍebbar n iγallen laman n tγiwant n Wizgan akk d Lwali n Lwilaya n Tizi-Wezzu, akken a d-affen tifrat i wugguren-agi mulac ussan i d-iteddun a d-γelqen Axxam n Tγiwant d Wexxam n Dayra n temnaḍt n Wizgan.
Islam Bessaci