Yal tikkelt mi ara d-yelli usenfar n ucuddu n lgaz n temdint deg temnaḍin yemgaraden deg Tmurt n leqbayal, ad t-id-iqabel umenuɣ s sebba n yimawlan n wakal i yettagin ad iɛdi uqadus n lgaz deg wayla-nsen. Dayen dɣa i yeǧǧan asenfar-a ameqran n usekcem n lgaz ɣer yixxamen ad yaweḍ ala ɣer 34% deg lwilaya n Tizi Wezzu.Tikkelt-a d tamnaṭ n iɛkuren, yettwasnen s tiẓgi-ines wessiɛen, anida imezdaɣ n tudrin Azru, Aḥmil d Cebel suteren, deg yiwet n tebrat, seg uneɣlaf n ssehd d leminat, yusef Yusfi, ad isekecem iman-is deg temsalt n ucuddu n turin-nsen ɣer uqadus n lgaz. Deg tebrat-a, iqqera n tejumuyaɛ n tudrin-a, rran lewelha belli, aqadus, naɣ la conduite principale uɣur tcud tɣiwant Iǧer ( Buzegen), d tin iɛeddan deg wakal- nsen mebla ugur s-ɣur imawlan n wakal, mbaɛd imi ten-waɛden srabes n tekubanit n Sonalgaz belli ad yili ucuddu n tudrin deg kea n wagguren kan, maca ar assa kra ur d-yelli. S wakka tijemuyaɛ n tudrin-a d tid yessawelen imezdaɣ i wakken ad d -sbegnen leɣiḍ-nsen ma yella ur d-telli tifrat i weɣebel.
Dalila.I
Draɛ Lemizan
Rfan imezdaɣ n Maɛmar
Imezdaɣ n tadert Maɛmar deg udewar n Bumhenni i d-yezgan ɣef teɣzi n 7 ikilumiteren deg ugafa n tɣiwant n Draɛ Lmizan, deg unẓul n lwilaya n Tizi Wezzu, d wid i d-ibegnen reffu-nsen mgal n yir tasewiɛt deg ttidiren. Ɣas akken aṭas iseggasen seg suturen awenaɛ n tudert-nsen, maca ar ass-a acema ur d-iban. Imḍberen n tɣiwant d wid n lwilaya ur rrin ara lwelha-nsen ɣer temnaṭ-agi tiglilt. Aɣbel ameqran deg ttidiren imezdaɣ n tadert-a d temezduɣt ur newulem ara (l’habitat précaire). Ilmend n usuter n wezref-nsen deg tudert iwenɛen, ladɣa tamezduɣt iwulemen, ilemẓyen reglan abrid aɣelnaw W-25 deg umalas yezrin. Ad d-nesemkti belli imezdaɣ-agi d wid izedɣen deg yixxamen i tebna Fransa, tura atna deg yir liḥala, ɣas akken yella-d rray n lebni n tmezduɣin, maca acemma ur d-iban, aya imi akal i deg llan yettuɛeyen i lebni n tmzeduɣin i iḥuza useyax.
D.I