« Yal ass nettwali ṭṭubat sdat-ne&gamma,; ttalint ula γef leḥyuḍ », « d ṣṣaḥ, yiwet tergel ateyyut ansi i d-iteffeγ duxxan, dγa ur ileḥḥu ara le chauffage di la classe », « aγerbaz-neγ d lexla, ulac afrag » d wi i d awalen i aγ-d-nnan warrac n uγerbaz ‘’Mimoun’’ n temdint n Tizi Wezzu. Taggara-a, d tiddukla n yimawlan n yinelmaden i d-yegren tiγri, deg yiwen wulγu, i yimḍebbren n ṣṣaḥa n lwilaya n Tizi Wezzu anda sḥasfen si liḥala n uγerbaz-a. Am wakken i d-bedren lehlakat i izemren ad d-ilin. D acu yeḍran deg aγerbaz-a ? Yeffeγ-d yiwen usenfar i wakken ad xedmen aṭas n lecγal deg-s, acu kan tikabbaniyin i d-yelhan s lecγal ur selkent ara di lawan. Uγalen warrac γer lakul, lecγal mazal teddun. Terwi tebberwi :yuγal uγerbaz d annar i uxeddim ; arrac leεben gar wuzzal, rmel, ncir d yisufar-nniḍen. Leḥyuḍ hudden qqimen akken. Imekwan n waman reglen, ttraḥen si lebγid. Lḥasun yuγal lakul d agudu. Tanemhalt n uγerbaz-a, γef wakken i aγ-d-tenna, tcetka u tettxebbir acḥal d tikal imḍebbren i teεna temsalt, meεna mebla lfayda. Yal tama tettara-d ṭtlima γef tayeḍ : tikabbaniyin qqarent ur aγ-d-xelṣen ara i wakken ad nkemmel, imḍebbren qqnen-tt γer ustehzi n tkubbaniyin-a.
« D imelyaren i tesεa tγiwant n Tizi Wezzu, ad twehmeḍ amek i asen-xeddmen, aγerbaz-a yesken-d udem n ṣṣaḥ n temdint n Tizi Wezzu. Yekfa zzman-nni, asmi i as-qqaren ‘’La petite suisse’’» Akka i aγ-d-tqubel yiwet n tselmadt n uqerbaz-a.
Hocine. M