Akka ay d ddunit, neγ ahat d Leqbayel kan ? Alamma iγab fell-aγ umdan i aγ-d-yettban mliḥ wazal-is, imir ara nḥas s yilem i d-yettağğa deffir-s. Alamma necrew-itt merriγet i nettamen s yiḥulfan-is. Yal tikelt mi ara mlileγ yid-k di Facebook a Nur, awal-ik amezwaru γef tmaziγt, teqqareḍ-iyi-d : « anda tedda tmaziγt-nni a Lḥu ? ». Ass-a ula d awal-ik aneggaru di Facebook a Nur d wa : « tamaziγt, tamaziγt, tamaziγt ay imeddukal » Meεna ass-a mačči i nekk kan, i wid akk tesneḍ. Zriγ-k d ameγnas ameqqran n tugdut, nella akken deg yiwen ukabar, zriγ-k d ameγnas n yidles d yizerfan n umdan, newwi-d amecwar akken deg umussu adelsan, zriγ-k d aselmad n tmaziγt gar yimezwura, nebda akken uguren deg unnar, meεna werğin zriγ u werğin umnaγ yella umdan am kečč i izemren ad iweṣṣi wiyaḍ γef tmaziγt di teswiεt taneggarut. Ttweṣṣin yimdanen γef dderya, γef yimawlan, γef cci…Meεna kečč tettweṣṣiḍ γef wayen-nniḍen. Ihi, ass-a, lewṣaya-k ha-tt-ah di leεnaya-nne&gamma,; ad as-neg irebbi xas ‘’tilisa beddlent amekkan’’, xas akka lweεdd iteqqes ur nbeddel i tmeggḥelt tayet. Am wass-a ad naweḍ γer wayen tessarmeḍ. Xas llan wid yettrusun si tmacint n zman meεna llan wid i d-yettalin. Akken neqqar di tallit-nni, zriγ mazal tecfiḍ « Win yeddan, yedda, ma d nekni nεedda… » Eh oui, ya ḥesra γef tallit-nni, γef zik-nni ay ameddakel !!! Di laman a l’ancien.
Hocine Moula