Seg wass-mi tebda terbeεt taγelnawt n lezzayer tettifrir-id,aṭas n lecγal i d-yufraren yid-s: tuγac, llebsa, ssenğaq di yal axxam…atg, ziγen anect-a i nḥemmel tamurt-nneγ !! Maca lwelha tezzi diγ γer tγamsa d yiγmisen.
Zik, d iγmisen kan n waddal i yesεan tarbeεt taγelnawt d taluft, taggara-aya yuγal yal aγmis iga-as amur. Rnu γer wanect-a, yal mi ara turar, azekka-nni iγmisen akk ad kkfun, ad nzen taṣebḥit, yal imeγri ad d-yaγ acḥal n yiγmisen…
Aṭas ahat ara as-yenwun mi texser terbeεt taγelnawt di timlilit-is taneggarut, imru n yiγmisen ad yeεfu, maca terbeḥ neγ texser, diγ skud mazal taqbuct n ddunit, ma tebγiḍ ad ak-id-isaḥ wuṭṭun n uγmis-ik, ilaq ad d-takiḍ zik !
Dj. Ahitghel