Awal n tmettut d awal n tidet

Partager

I lmend n ass agraɣlan n tulawin i d-yettilin di 8 di Meɣres di yal assegas, tessuddes tiddukla n « Tagmat n At Jennad » deg axxam n yelmeẓan id yezgan di tɣiwant di Freḥa dayra n Iɛazugen yiwen leqdic s demma ddaw laɛnaya n unemhal n uxxam-agi Mas Ferḥat Arezki. Deg leqdic-agi yeṭṭfen lewelha, tella-d timzikent s wazal-is acku tesneɛted leqdic n tinelmadin yettelmaden ddew tacḍaṭ n tiddukla lhirfat n tulas am usewwi n les « gâteaux » akked lexyaḍa d uraqem ɣef leḥrir, d uselḥu n tawil n l’informatique akked leqraya n wid werǧin neɣri. Aya yellad s lmendad n tiselmadin ur n cuh ara di ljehd akked d usebɣes n tinelmadin am Massa Fayza,Lila, Ṣaliḥa, Nura, Yamina, Ḥayet, Wiza,Naɛima, …

Axxam n yelmeẓyan n Freḥa yedḥad yedyaq akken ad yawwi izumal n tlawin i d-yerzan assen akken ad walin-t lmeɛna kesbent yessis n idurar, yerna ad walint ayen i d-yettnulfun d amaynut deg ayen iccuden ɣer txegaṭ d leḥwal uniwel. Yenna-k Mass Ferhat : « ass-a d ass i yesferen imi temlal tassa d wayen turew. Imawlen ferhen s leqdic n yisen-sen. Tinelmadin zemrent ad innint leɛṭab-nnteɣ yewweḍ ɣer tafat. Aya yakk ad yernu tebɣest d waffud akken a nkemel ɣer zdat. Nettnadi ad nernu allalen nniḍen ara yeddun d lebɣi n yinalmaden d tnelmadin nneɣ ». Iswi tegger taddukli n Tagmat Nat jennad d aṣṣiwed ɣer 280 n tnelmadin, am wakken diɣ saramen di tɣiwant n Freḥa ad tebnu axxam n yelmeẓyen imeqran uagr wagi yellan akken ad yawwi yakk tid d wid yebɣan ad lemden wa ad ggan azal i tudert nsen. Ilaq ad nesmekti belli taddukli-agi texeddem s lmend n ugraw n uselmed n lhirfat n Tizi Wezu(CFPA).

Tiselmadin s ljiha-nsen ferḥent aṭas s izumal n yemdanen i ineɣlen akken ad walin timzikent, am akken id aɣ d-tenna taselmad n texegaṭ Massa Fayza : « s leqla n tawil nehegga-d yakk anect-a, aya yesebgan belli d lebɣi i-ixadmen mačči d allalen. Anda yella lebɣi awezɣi yettera aḍar, limer d lebɣi yal taqcict deg tuddrin-nneɣ ad tegg iyi iman-is lebɣi akken ad tesɛu tannagit ines s awcu ara teldi tiwwura iyi iman-is akken as ttaf xef i ddunit yeččuren d acqirew ».

D wa i d-awal n tmeṭṭut. D awal n tidet !

Ait Slimane Hamid

Partager