Leɣella n zzit n uzemmur deg lwilaya n Tizi Wezzu d tin ifazen aseggas-a: azal n 820 00 n yiqenṭaren n uzemmur i d-ittwajemɛen deg tamiwin yemgaraden n lwilaya, mi yella yetturaju ad taweḍ ɣer 450 000 iqenṭaren. Ad ner lwelha belli leɣella n useggas-a tugar s rebɛ yeḥricen tin n usegass yezrin. S wakka aseggas-a yetturaju ad taweḍ leɣella ɣer 14 imelyunen n zzit, s leqidar n 17 n litrat i yiwen uqenṭar n uzemmur. Ad nesmekti, belli lwilaya n Tizi Wezzu tesɛa 28 000 n yihegtaren n ttjur deg-s 30 imelyunen n tezemrin. S wakka yetturaju ad ṣubben leswam n zzit i yewweḍen aseggas yezrin ɣer 600 n yidinaren i yiwet n litra.
Dalila.I
Sebiṭar n Draɛ Ben Xedda
Ad yelli tiwwura-s deg xemsa n wagguren
Sbiṭar amaynut n Draɛ Ben Xedda, i d-yezgan ɣef teɣzi n 10 ikulimitren deg umallu n temdint n Tizi Wezzu ad yelli tiwwura-s gar-aneɣ d xemsa n wagguren. Sbiṭar-a ad yelli deg-s sserbis i yettwaxessen deg waṭan n wul, d win n warrac imeẓyanen, am akken ad ilin deg-s 80 n yemṭerḥen. Si tama niḍen ad yilli deg-s yiwen n sserbis n yibarasyunen (bloc opératoire) s 03 n tzeɣwa d tawilat atraren n tujya. Ad nesmekti belli sbiṭar-agi niqal ad yewjed deg 15 n wagguren, maca yewweḍ ɣer 22 n wagguren s sebba n leḥbas n uxeddim, am akken i d-yesqam tadrimt meqqren yewweḍen amelyar d temn mya u settin imelyunen idinaren.
D.I
Tafaska n tmerrit di Tgejda
Tanemhalt n temarit n lewilaya n Tubiret niqal theyya-d yiwet n tefaska n temarit n wedrar deg Tigjeda ger wussan n 20 d 24 n waggur n meɣres deg nella. d acu ɛla ḥsab n serabes n tmehla n Tubiret, tafaska-agi tettuwuxer ɣer unebdu. Akken yebɣu yili lḥal, di tmeɣra-a, yetturaju ad tilli yiwet n temzizla ɣef waddal n wedrar, leqdic n teẓuri, isaragen, d kra n yisura deg rebɛa wussan. Tafaska-a d tagnit n terin wafud i waddal n wedrar ara yesnernin azal n temarit n wedrar. Si tama niḍen yesunefk ad ner lwelha belli ulla d lwilaya n Tizi Wzzu d tin deg llan imekwan ifazen i tmerrit n wedrar deg Ǧerǧer d yimekwan niḍen, am Tala gilef, Iɛkkuren, taddart n t Leqayed, Taqsebt d tiyat…iwumi ilaq ad ner azal nesen bac ad uyefti weḥric-agi n unegmu. Ad ner tamawt beli tamurt-neɣ tezzi lwelha-s tagaray-a ɣer weḥric n tmerrit i wumi tefka azal d ameqran,imi tesewejad i lemend n usefti n tmerri, deg useggas n 2025.
D.I