Ayen Ilaqen :
– Aqerru n lkrumb alemmas.
– 500 g n wekesum n ubeqri.
– Tibselṭ
– Taɤenjayt n tumaṭic n tewwaṭ.
– Taɤenjayt n zzit.
– Amursu n wudi.
– Tameqqunt n lmeɛdnus.
– Lkumca n lḥemmes i ilexsen.
– Ifelfel aberkan, lqerfa, lemleḥ, amursu n lbenna n ttib (jumbo).
– Amursu n ufermaj yezḍen
– Nnefs n tlimet.
Aheggi :
Ad neddem aqerru n lekrumb ad t-negzem ɣef 4, ad s-nekkes tagurza-nni yeqquren, ad t-nessired, ad t-ner daxel n waman ad yeww. Ad as-nernu lemleḥ akked nnefs n tlimet ad t-neǧ ad yesli azal n 10 dqayeq. Sakin, ad t-id-nekkes, ad t-neslil, ad t-neǧ ad yudam. Daxel n tmermit, ad nessefsi udi akked zzit, ad asen-nernu tibselṭ inegzem d tarqaqt akked d imursuyin-nni n wekesum. Ad ten-neqlu u ad asen-nezuzer lemleḥ, ifelfel aberkan, lqerfa, lmeɛdnus, tumaṭic n tewwaṭ. Ad ten-neqlu akk akken, ad asen-nernu lḥemmes. Mi yewwa wekesum, ad t-id-nekkes, ad ner imursuyen n lekrumb daxel n u seqqi, ad as-nezzuzer amursu n lbenna n ubeqri, ad t-neǧ ad ikemmel tiwwin. Mi yewwa, ad ner s aseqqi imursuyin n wekesum.
Tamawt : nezmer daɣen ad ner aseqqi daxel n sniwa n lkuca. Ad nseqqi akk imursuyin n lekrumb u ad asen-nezzuzer afermaj yezḍen, ad t-ner ar lkuca alamma yewwa lekrumb, u ad issew aseqqi.
S-ɣur Noura