“Di Dewla n Ripublik” yewwi-d ɣef umecwar d umennuɣ n Muḥend Ɛebdelkrim n At Xeṭṭab n At Yusef U Waɛli n lɛerc n At Waryaɣen di Rrif (Lmerruk). Di furar 1923, yenjer Muḥend Ɛebdelkrim n At Xeṭṭab abrid i tegduda n Rrif.Yessaweḍ, di 03 n yiseggasen, ad yessemlil leɛrac n Rrif u ad yessebded ddula tatrart ara iibedden deg udem n sbenyul d Fransa.
“Di Dewla n Ripublik” ad d-yeffeɣ deg internet d Tezrigin Achab ussan-a
Cwiṭ seg wayen yenna Muḥen Ɛebdelkrim n At Xeṭṭab, di Lqahira, 1952:
«…Nekk d Amaziɣ […] Imaziɣen d imdanen yessnen, d wid yesnernan i yal taɣerma i-d-ikecmen tamurt nneɣ, i yal ddin i-d-ikecmen, am ddin uday, ddin arumi neɣ ddin ineslem. Nessen Taɛrabt, tutlayt n Leqran, nesawal Tamaziɣt, tutlayt n imezwura nneɣ, nessen daɣ Tafransist, tutlayt n tmurt i yeqqnen azaglu i tmurt nneɣ…».
*Aumer U Lamara d Docteur d‘Etat ès Sciences Physiques. yeɣra tamaziɣt ɣer Mouloud Mammeri di tesdawit n Lezzayer. yesɣer deg waṭas n tesdawiyin d yiɣerbazen n yijenyuren. Ass-a, yiwen seg yemḍebbren n yiwet n tkubbanit tagraɣlant.
Yura : “Iberdan n tissas”(tizrigin Le Pas Sage, 2007), “Agellid n tmes” (internet, 2007), “Tullianum -taggara Yugurten” (internet d HCA, 2009), “Omaha Beach – Ass-a d Wussan” (internet, ed du Festival national du film amazigh,2010)
S.O.A