Tlata (03) seg yiεeggalen n yiɣallen n usellek n temdint n Bgayet xedmen yiwen n uneḥbus ɣef lmakla iwakken ad sbegnen lɣiḍ-nsen deg udem n tenmehla-nsen.
Taneggarut-agi ur terfid ara s ṛṛay yelḥan lwameṛ n uxxam n ccreε i imudden azref i tlata n yiεeggalen-agi akken ad uɣalen ɣer yimukan-nsen n uxeddim.
Ad nesmekti dakken tlata-agi ttekkan deg ssandika (S.N.A.P.C) ladɣa sin deg usqamu aɣelnaw, ttwaḥebsen seg uxeddim azal n tlata n yiseggasen-aya-agi.
Acku deg useggas n 2007, mbeεd yiwen was n lɣiḍ i xedmen yiɣallen n usellek i d-yellan deg ass n usteεfu-nsen, tanmehla twala s yir tiṭ cɣel-agi imi i t-teḥseb d aneḥbus ɣef uxeddim.
Yeqqim-d kan ad nini dakken iɣallen n usellek n Bgayet bɣan ad xedmen yiwet n tikli deg yizenqan n temdint ara d-yilin deg ass n usteɛfu-nsen iwakken ad sbegnen ibeddi-nsen ɣer tama n tlata-agi n yimdukal-nsen aya-agi si lǧiha, iwakken daɣen ad sawḍen tiɣerɣert n wayen ssuturen ɣer wid i teεna temsalt si lǧiha-nniḍen.
Farid. L