Tafekka n yiwen n wergaz i yesεan azal n 40 n yiseggasen, uffan-t ass n 22 meγres 2011 s ddaw n yiwet n tqendert taqburt n wasif n Bubhir i d-yezgan deg temnaḍt n Illula n Umalu, dayra n Wizgan, deg yiwen n wulγu i ṣeḥan i d-wekkden srabes n laman n temnaḍt n Wizgan.
Isali yeγli-d am siεqa. Taγtest (La victime), n taddert n At-Salah, taγiwant n Wizgan, yemmut labeεta imi t-γeṣben wid i t-yenγan s tyitwin qessiḥen. Tafekka-s uffan-tt deg wasif, kra n yicarriqen γef ṭumubil-is i yellan yeḥbes s-ufella n tqendert taqdimt n Bubhir, dima γef leḥsab n yisalen i d-necrew.
Argaz-agi yeffeγ deg wexxam-is sin n wussan ur d-iban-ara, syen tawacult-is sufγen aqellab fell-as. D ṭumubil-is i yeğğa din-kan deg wemḍiq, i d-yejebden lwelha n yemdanen uqbel a d-affen tafekka n taγtest-agi labaεda imi i d-yella unadi fell-as deg wemḍiq. Argaz-agi yella d aselmad deg uγerbaz amezwaru, yeğğa-d s deffir-s tajjalt d deqs n yiggujilen.
Imezdaγ n temnaḍt n Wizgan, ḥulfan aṭas i tyita am tagi, sutren akken a d-taffen anwa imdanen-agi i yellan s effir n twaγit i yeglan s lmut n wargaz-agi.
Islam Bessaci