Yya ma ad teddud ɣer tizi n tisselbi, as-nefk nnuba I tayri… ad nelḥu di sin anda akken nebɣa, abrid abrid ɣer tmurt, kullec yecbeḥ i tmuɣli, kulci yettreqriq yettṛaju kan ad d-nennunnet, d tameɣra n wulawen : ad nsel i Zimu icennu yya ma ad tedduḍ, ad necnu Si Muḥ : « Senγes ay adrar laεli Ẓẓel-d cbu-d win yeṭsen, Akken a tt-ẓreγ ayi-d-twali&gamma,;Saεef-iyi ad εeddint wallen » … as-naf abrid i lexla, ad d-nekkes i nebɣa : aɣiɣac, iskimen, tasemmumt, ayen i d-cihwant wallen, ayen ak ɛzizen i tmuɣli, ziḍen ɣef yiles… ayen ak i s-nettmagar tafsut, ay arrac cfut…
D tameɣra n wulawen, ad d-nenced wid i ɣ-yeččuren allen, aɣ-ččaren axxam n lfeṛḥ, ma nekna-d ayen I beɛden…I yebɣa wul-iw ad k-yeṛwu s wallen, I yebɣa wul-iw as-tiliḍ d amur, i yebɣa wul-iw ad tdum tmeɣra-s, ad nɣellet, ad naru tibratin tineggura, tid-nni yessidiren akin i uraǧu, ad nettu kra imeslayen : maci d nek i m-ilaqen, ad zhun yetbiren imi ara msudanen, imi ɣef yimi, tikli ɛinani, bɣiɛ-k tebɣiḍ-iyi, tameddit-a s imensi, imi ara d-nezzi, ad nteddu ad ncennu tuɣac n ujeǧǧig, yecbeḥ i tmuɣli, yettak lbenna i ulac, nḥemmel-it yessidiraɣ, xas nemmḥemmal kan akka, tikwal kan, deg wagur amenzu n tefsut….
Zira