Mbeɛd isallen i d-nelqeḍ sya wesya seg tesɣunin d yiɣmisen ladɣa seg tezrawin i yettwaxedmen ɣef ddema, iban-d dakken tṛafik n waldun-agi umi qqaṛen lmirkir Hg (le mercure Hg) izad s waṭas ussan-agi ineggura di Bgayet.
Aldun-agi ma nezmer ad as-nsemmi akka , d win i ixedmen tixeṣṣarin i umdan, i ugama d wayen i ɣ-d-yezzin, d acu kan wid i t-yettetṛafikin sɛan tamuɣli-nniḍen imi isen-d-yeggar tadrimt d tameqṛant. Anida ttafen lmirkir-agi ? Aldun-agi mačči d win i yettnemḍaren deg ugama, rnu ɣer ɣuṛ-s d lwiz ɣlay s waṭas, tteksen-t-id seg « les thermomètres », ayen ara ken-yeswehmen dakken tteksen-t-id daɣen si kra n lḥilat d tɣawsiwin yecban aqermud amellal aqbuṛ i yettwaxedmen di Marṣay (Marseille), ziɣen aqermud-agi i ttarran zik ɣef sqef n yixxamen mačči d win kan i yettarran ṭlam, yettaǧa tafat ad d-tekcem ɣer uxxam, maca yettara daɣen ṭṭeyyat n lebraq akked ṛɛud. Wigi i yettetṛafikin lmirkir-agi ttarran yes-s ṭṭeyyat n iskaniṛen (les scanners ou les tomodensitomètres) n srabes n ddiwana ɣef kra ttawin yid-sen mebla lqanun. Yeqqim-d kan ad nini dakken aḥezzeb yerna leqḍeɛ , am akken i qqaṛen yiqbayliyen.
Farid . L