Akabar azduklan azzayri, d akabar i d-yeffɣen seg ukabar azduklan n tmurt n Fransa, i yesɛan tiktiwin yemgaraden ɣef yikabaren i d-ibanen deg tallit-nni, maca sɛan tamlilt meqqren deg tmunent n lezzayer 1962.
Akabar-a iban-d s tama tunsibt deg useggas n 1936 deg Wahran, gar yixeddamen n usagen n ucali. Maca akabar-a d win ur nesɛi ara aṭas n yiɛeggalen izzayriyen inselmen anagar kra am Ben Aɛli Buxart akked Amar Uzgan, deg tazwara yella mgal tiktiwin i yessuturen timunent n uɣref azzayri. Maca, annect-a yeǧǧa-ten ad ssutren taɣelnawt tafransist akked tezzayrit, asaɛdel n yizerfan gar yizzayriyen akked yirumyen s lmendad n tdukli tafransist deg laɛḍil send asebdded n uwanek (pouvoir) azzayri anemlay yesɛan timunent ideg ad tesdukkel gar yimezdaɣ-is: inselmen, irumyen akked wudayen, iwakken ad tili am tegduda tasubyatit, rnu ɣer waya tilin n snat tutlayin taɛrabt akked tefransist d tunsibin deg tmurt n Lezzayer.
Deg wayyur n yulyu n useggas 1956 yella-d ustag (accord) gar ugensas(représentant) n ukabar-a Sadaq Ḥaǧris akked Ɛebban Remḍan iwakken ad qeblen iɛeggalen n ukabar-a deg yigen n uslelli aɣelnaw (A.L.N). Dinna, skelfen Ɛmer Useddiq deg waɣir wis kuẓ iwakken ad yessekcem izduklanen deg umussu n uslelli aɣelnaw deg temnaḍt-a. S wakka i kecmen ɣer tegrawla n 1954 ideg uraren tamlilt meqqren deg tmunent n tmurt n Lezzayer 1962 acku nutni mgal akk timura timbiryaliyin yecban Fransa.
Bousbaine.S.